4点
忙完一轮摞起手机，见有三个未接电话，过咗阵，哥哥喺学校又打过嚟。
喊晒口咁 “妈咪你快啲过嚟接我啦，校医话我扁桃体发炎，我头好晕啊要去睇医生”[难过哭泣]
交代好手头嘅嘢，开车去学校。
接到两兄弟，去社康挂号，睇医生，摞药。
细佬喺旁边叫，“妈咪，我就嚟饿死了，快D去买嘢食啦”[撅嘴哭泣]
6点过
搞掂两个细路，送翻去学校，等佢哋老豆接。
翻公司执埋D手尾。
7点过
翻屋企，执好折叠床啊衫啊要用嘅嘢。
8点几，大雨仲未停
一个人唯有分两次上落楼，搬嘢上车。去医院陪下妈咪问下医生情况交待好保姆，出到来就11点了。
翻到屋企附近，食个麻辣烫，加罐啤酒。
食完，闻住雨后嘅空气，慢慢散步行翻去。
呢个係我最简单嘅放松方法。
.
.
上有老下有小，最惊就两边同时病，本身时间就被瓜分到碎一碎，想去自己做D乜，要排除万难。
真系想识得分身，可以三头六臂。
