食左晚飯見眼瞓🥱 訓到半夜兩點醒左醒，有少少肚餓 我無去換人民幣，微信無人民幣 無辦法下，只能叫醒衰佬，同佢講我肚餓，幫我點個外賣 衰佬訓到豬甘，半醒狀態下應我，但好快又訓左 我無出聲，無強逼地叫佢起身，我由得佢訓，我忍餓 但過左一陣，佢自己又醒反，半睡半醒狀態下，好緊張地同我道歉：老婆，對唔住，你食咩？老婆，我無心架 [傻笑][傻笑] 真係夸張，佢眼瞓到爆，逼自己撐大眼起身幫我點外賣 我不停同佢講：唔緊要架，無事無事 佢都不停同我講：老婆，對唔住，對唔住，你肚餓，我點外賣比你 佢馬上起身點外賣，仲陪埋我食，我食咩，佢就食咩 真係好傻，條衰佬

评论：