今日份自我疗愈：
上两日係派对同大家讨论开逃避型依恋噶时候，
我再一次发觉自己内心好多想法无办法自如表达出嚟
到第二日刷视频噶时候，
我先突然联接到细个时候我妈曾经对我噶指责，
佢话我：一言不合就发脾气，喜怒无常，边个都冇面俾，乜都写晒係块面度，你咁样个个都惊咗你，神憎鬼厌。
因为我妈噶话，细个时候噶我曾一度认为，表达自己诉求係可耻噶，有情绪係会令人惧怕噶，真实噶自己唔会有人接受到。
所以唔知从几时起，
为咗成为父母眼中嗰个生性噶乖女，
我慢慢变得将自己噶情绪同需求隐藏起身，
唔再轻易展露真实噶自己。
久而久之，
我甚至退化咗自如表达噶能力。
我谂哩D就係父母係仔女成长过程中，
对佢哋成年后噶人格障碍同人生造成噶影响。
作为当事人，
去责怪原生家庭噶伤害，
显然对解决问题毫无帮助
真正可以做噶，
係觉察到问题之后，
去睇到嗰个曾经弱小受伤噶自己，
俾嗰个受委屈噶小朋友一个心痛噶抱抱
用依家噶认知，同过去噶自己讲，
我睇到你噶无助同委屈，
争取合理噶需求不可耻，
有情绪係人之常情，
做真实噶自己并无错。
过去只係因为你太细个了，
唔识点样保护自己，
面对亲人噶打压只可以用自我封闭嚟保护自己，
你只係想保护自己，并唔係要否定佢，
每个人都会选择对自己最有利噶方式。
尽管艰难但你仲係靠自己撑过来了。
依家噶你长大了，
你学识咗更多种应对问题噶方式
学识咗更多表达自己噶方法
你有能力更好咁保护自己，
有能力为自己发声，
有能力为嗰D同你有同样成长经历噶人发声。
世界上并唔缺表面安好噶人，
但只有明暗并存先係一个真实完整噶人
世界上并无完美噶人，
完整真实先係更强大噶生命力。
所以你可以解封你自己，
你可以更自由咁表达你自己，
你可以更真实咁做你自己，
你可以相信你本身就已经具备一切你所需要噶资源。
唔需要担心会失去嗰D被真实噶你吓跑噶人，
当你明白当你变得完整噶时候，
你就唔再需要依赖从外界索取愛
因为你已经係愛噶本身，
你可以给每一个人愛，包括你自己，
所以你可以相信你係值得被愛噶，
完整真实噶你，
吸引来噶先係真正愛你噶人
当你越表达，
你就越容易将自己噶想法表达得顺畅 ，
将你表达得越顺畅，
你就越容易将自己噶想法实现。
花咗3日时间梳理出来自己噶顿悟，
係岁末送自己新年一个新起点[冒心心]
感恩宇宙[祈祷]感恩自己
分享共勉
#
